اسلام آباد۔18اگست(اے پی پی)وزیراعظم محمد شہباز شریف دی ہدایت تے نیشنل ڈیزاسٹر مینجمنٹ اتھارٹی (این ڈی ایم اے) خیبر پختونخوا دی صوبائی حکومت اتے پی ڈی ایم اے دا ہتھ ونݙیندی پئی اے۔ این ڈی ایم اے، مسلح افواج اتے فلاحی اداریاں خیبر پختونخوا کیتے امدادی سامان ٻھڄوا ݙتے۔ بونیر کیتے روانہ کیتے ڳئے سامان اچ خیمے، کمبل، جنریٹر، ڈی واٹرنگ پمپس، راشن بیگز اتے دوائیاں شامل ہن۔ امدادی سامان سیلاب متاثرین اچ ونݙݨ کیتے ڈپٹی کمشنر بونیر دے حوالے کیتا ویسی۔ متاثرین دی مدد اتے بحالی کیتے این ڈی ایم اے سارے متعلقہ سول اتے عسکری اداریاں نال مکمل رابطے اچ اے اتے سارے متعلقہ اداریاں ولوں جاری امدادی کارروائیاں دی ہر ویلھے نگرانی وی کریندا پئے ۔
