اسلام آباد۔20اکتوبر (اے پی پی) وزیراعظم محمد شہباز شریف وزارت توانائی کوں بجلی دی پیداوار دے موثر استعمال نال صنعتی پیداوار اتے زرعی مصنوعات اچ ودھارے کیتے جامع حکمت عملی ترتیب ݙیوݨ دی ہدایت کریندیں ہوئیں آکھیا جو زرعی اتے صنعتی شعبے کوں ہر ممکن سہولت دی فراہمی ح??وم?? دی پہلی ترجیح اے۔ سنوار کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت صنعتی اتے زرعی شعبے کیتے پاور ڈویژن دے اصلاحاتی پیکج دے حوالے نال جائزہ اجلاس تھیا۔ وزیراعظم کوں پاور ڈویژن ولوں ملک اچ بجلی دی پیداوار اتے ایںدے جامع اتے موثر استعمال تے ممکنہ اصلاحاتی پیکج تے بریفنگ ݙتی ڳئی۔ وزیراعظم ہدایت کیتی جو ملکی صنعتی پیداوار کوں وݙھاوݨ کیتے بجلی دی فراہمی دے حوالے نال پاور ڈویژن جامع اتے موثر پالیسی سفارشات ٻݨاوے، صنعتی پیداوار نال متعلقہ سارے ادارے صنعت کاراں اتے سرمایہ کاراں دی سہولت کیتے ہر ممکن اقدامات کرن، م??ک اچ بجلی دی پیداوار دے ودھ توں ودھ مثبت استعمال کوں یقینی بݨاوݨ کیتے پالیسی تے کَم کیتا ونجے۔ انہاں آکھیا جو بجلی دی پیداوار دا بہترین استعمال صنعتی مصنوعات اتے زرعی پیداوار اچ ودھارے کیتے کیتا ونڄ سڳدے۔ وزیراعظم وزارت توانائی کوں بجلی دی پیداوار دے موثر استعمال نال صنعتی اتے زرعی پیداوار اچ ودھارے کیتے جامع حکمت عملی ترتیب ݙیوݨ اتے پاور ڈویژن کوں سرمایہ کاراں اتے صنعت کاراں دی سہولت کیتے مختلف سفارشات مرتب ک??ݨ دی ہدایت ݙتن۔ اجلاس اچ وفاقی وزیر توانائی سردار اویس خان لغاری، وفاقی وزیر برائے اطلاعات تے نشریات عطاء اللہ تارڑ، وفاقی وزیر برائے اقتصادی امور ڈویژن احد خان چیمہ، مشیر برائے صنعت ہارون اختر اتے ٻئے متعلقہ سرکاری عہدیداراں، افسراں اتے اہلکاراں شرکت کیتی۔
