اسلام آباد۔ 20 مئی(اے پی پی) وفاقی کابینہ معرکہ حق، آپریشن بنیان مرصوص دی اعلیٰ حکمتِ عملی اَتے دلیرانہ قیادت دی بنیاد تے ملک دی سلامتی کوں یقینی بݨاوݨ اَتے دشمن کوں مکمل شکست ݙیوݨ تے جنرل سید عاصم منیر (نشان امتیاز ملٹری) کوں فیلڈ مارشل دے عہدے تے ترقی ݙیوݨ دی منظوری ݙیندے آکھیے جو آرمی چیف دی بے مثال قیادت پاروں پاکستان کوں معرکہ حق اچ تاریخی کامیابی ملی۔ وفاقی کابینہ ایئرچیف مارشل ظہیر احمد بابر سدھو دی مدت ملازمت پوری تھیوݨ تے انہاں دیاں خدمتاں وی جاری رکھݨ دا فیصلہ کیتے۔ وزیراعظم محمد شہباز شریف دی صدارت اچ تھیوݨ آلے وفاقی کابینہ دے اجلاس اچ اہم فیصلے کیتے ڳئن۔ وزیراعظم پوری پاکستانی قوم کوں معرکہ حق اچ آپریشن بنیان مرصوص دی شاندار کامیابی اَتے دشمن دے ارادیاں کوں مٹی اچ رلاوݨ تے مبارکباد ݙتی۔ حکومت پاکستان ولوں معرکہ حق، آپریشن بنیان مرصوص دی اعلیٰ حکمتِ عملی اَتے دلیرانہ قیادت دی بنیاد تے ملک دی سلامتی کوں یقینی بݨاوݨ اَتے دشمن کوں مکمل شکست ݙیوݨ تے جنرل سید عاصم منیر (نشان امتیاز ملٹری) کوں فیلڈ مارشل دے عہدے تے ترقی ݙیوݨ دی منظوری ݙتی ڳئی۔ وزیراعظم اجلاس نال خطاب کریندے آکھیا جو مئی دے پہلے ݙھاکے پاکستان تاریخ دے اوکھے مرحلے توں گزریے، 6 اَتے 7 مئی 2025 دی رات بھارت پاکستان تے بلا اشتعال اَتے بلاجواز جنگ مسلط کیتی، پاکستان دی سول آبادی اچ معصوم شہریاں بشمول عورتاں اَتے بالاں کوں نشانہ بݨایا ڳیا، دشمن ولوں پاکستان دی خود مختاری اَتے سرحدی سالمیت کوں پامال کرݨ دی مذموم کوشش کیتی ڳئی۔ وفاقی کابینہ آکھیا جو چیف آف آرمی سٹاف جنرل سید عاصم منیر مثالی جرات اَتے عزم نال پاک فوج دی قیادت کیتی اَتے مسلح افواج دی جنگی حکمتِ عملی اَتے کوششاں کوں بھرپور طریقے نال ہم آہنگ کیتا، آرمی چیف دی بے مثال قیادت پاروں پاکستان کوں معرکہ حق اچ تاریخی کامیابی ملی اے۔ وفاقی کابینہ وزیراعظم ولوں جنرل سید عاصم منیر کوں انہاں دی شاندار عسکری قیادت، جرات اَتے بہادری، پاکستان دی خود مختاری اَتے علاقائی سالمیت کوں یقینی بݨاوݨ اَتے دشمن دے مقابلے اچ دلیرانہ دفاع دے اعتراف اچ فیلڈ مارشل دے عہدے تے ترقی ݙیوݨ دی تجویز منظور کر ڳھدی۔
