کابل۔17جولائی (اے پی پی)نائب وزیرِ اعظم و وزیر خارجہ اسحاق ڈار افغان اتے ازبک وزرائے خارجہ دے رَلے کابل اچ سہ فریقی اجلاس اچ شریک تھین۔ اے اجلاس ازبک-افغان-پاک (یو اے پی) ریلوے منصوبے دی مشترکہ فزیبلٹی سٹڈی دے فریم ورک معاہدے تے دستخط توں پہلے تھئے۔ ترجمان دفتر خارجہ ولوں جاری بیان دے مطابق اجلاس اچ تریے ملکاں وچال تکڑے تعلقات، امن، رابطیاں، تجارت اتے علاقائی ترقی دا مشترکہ عزم دوہرایا ڳیا۔ شرکاء ایں ڳالھ تے زور ݙتا جو خطے دی اقتصادی صلاحیت کوں ابھارݨ اتے اپݨے عوام دی لمبی مدت خوشحالی کوں یقینی بݨاوݨ کیتے مسلسل تعاون ضروری اے۔
