اسلام آباد۔8اکتوبر(اے پی پی) وزیراعظم محمد شہباز شریف آکھیے جو ??اک??تان اتے سعودی ع??ب دے وچال دفاعی معاہدے دی بنیاد آپت دی بھرپی اے ، رَل تے کم کروں تاں عالمی برادری اچ تکڑا مقام بݨا سڳدوں ، ویلھا اساں کیتے سنہری موقع گھن تے آئے۔ او اتھاں وزیراعظم ہاؤس اچ سعودی ??اک??تان جوائنٹ بزنس کونسل دے چیئرمین شہزادہ منصور بن محمد بن سعد آل سعود دی زیر قیادت سعودی وفد دے اعزاز اچ منعقدہ ظہرانے دے موقع تے خطاب کریندے پئے ہن۔ ایں موقع تے نائب وزیراعظم و وزیرخارجہ محمد اسحاق ڈار، وفاقی وزراء اتے اہم کاروباری شخصیات دے علاوہ اعلیٰ سرکاری حُکام وی موجود ہن۔وزیراعظم آکھیا جو انہاں کوں ہک واری ول اتھاں سعودی شہزادہ منصور بن محمد کوں ݙیکھ تے خوشی تھیندی پئی اے، اساں اتھاں ہک خاندان وانڳوں موجود ہیسے۔ وزیراعظم آکھیا جو او پچھلے 40 سال توں سیاست اچ ہن، پہلی واری 60 دے ݙھاکے اچ سعودی ع??ب ڳئے ہن، ایں دے بعد سعودی ع??ب دے کئی دورے کرچکئن پر انہاں دا اڄوکا دورہ ریاض بالکل منفرد اتے بے مثال ہئی، سعودی ولی عہد محمد بن سلمان نہایت گرمجوشی دا مظاہرہ کیتا، سعودی بھرا بھیݨاں ہمیشہ ??اک??تان کیتے بے مثال محبت ݙکھائی، سعودی ع??ب ہر اوکھ اتے آزمائش اچ ??اک??تان دا ساتھ ݙتا۔ انہاں آکھیا جو ہر مسلمان مقدس جہیں دے تحفظ کیتے آپݨی جان تئیں قربان کرݨ کیتے تیار اے۔وزیراعظم آکھیا جو 20 یا 30 سال پہلے کجھ شعبیں اچ ??اک??تان سعودی ع??ب نال تجربیں دا تبادلہ کریندا پیا ہئی، سعودی ع??ب دا ??اک??تان نال تعلق نہ ہلݨ آلا اتے مستقل عزم تے مبنی اے، سعودی ع??ب دا اے عزم اساݙے تعلقات دی تاریخ اچ ہمیشہ نمایاں رہیا اتے رہسی۔ انہاں آکھیا جو ??اک??تان اتے سعودی ع??ب دا دفاعی معاہدہ بھرپی تے مبنی تعلقات دی باقاعدہ شکل اے، اساں حقیقی بھراویں وانگوں ہیسے اتے بھرا ہمیشہ بھرا دی مدد کیتے آندے، اساں مقدس جہیں مکہ مکرمہ اتے مدینہ منورہ دے ہمیشہ کیتے محافظ رہسوں۔وزیراعظم آکھیا جو ??اک??تان اتے سعودی ع??ب آپݨے تعلقات کوں کاروبار اتے سرمایہ کاری دی بنیاد تے مزید تکڑا بݨیسن اتے مشترکہ کاروباری خواب کوں حقیقت بݨاوݨ کیتے رَل تے کم کریسن۔ انہاں تجارت، سرمایہ کاری، تحقیق اتے ترقی دے شعبیں اچ سانجھے اقدامات کوں اڳوں ودھاوݨ دی لوڑھ تے زور ݙیندے آکھیا جو اڄ اساکوں سعودی ع??ب توں سِکھݨ دی لوڑھ اے، اساکوں اے موقع ملیا ہویا اے، سعودی ع??ب وی اساکوں ہر ممکن مدد ݙیوݨ کیتے تیار ہے۔وزیراعظم آکھیا جو سعودی ولی عہد شہزادہ محمد بن سلمان دی متحرک اتے دور اندیش قیادت سعودی معاشرے کوں بدل تے رکھ ݙتے، ویلھا اتے حالات کہیں دا انتظار نی کریندے، اساکوں آپ کوں ویلھے اتے موقع کیتے تیار کرݨا ہوسی، اساں رَل تے کم کروں تاں عالمی برادری اچ آپݨی جاہ تکڑی بݨا سڳسوں۔ وزیراعظم آکھیا جو اساں کنے بہترین لوکاں دی ٹیم موجود اے، سعودی ع??ب دے حُکام وی معاہدیں تے دستخط کیتے پرجوش ہن، اے ویلھا اساݙے کیتے سنہری موقع گھن تے آئے، رَل تے کم دا آغاز کرݨا ہوسی۔ چیئرمین سعودی ??اک??تان جوائنٹ بزنس کونسل شہزادہ منصور بن محمد بن آل سعود خطاب کریندے آکھیا جو او ??اک??تان سعودی ع??ب مشترکہ بزنس کونسل دے اجلاس کیتے ??اک??تان آئن، ??اک??تان آوݨ توں پہلے سعودی ع??ب دے سارے اہم وزراء نال ملاقاتاں کیتیاں، سعودی وزراء کوں ??اک??تان اچ ممکنہ سٹریٹجک منصوبیں دا ݙسایا ، سعودی کاروباری طبقے کوں ??اک??تان اچ سرمایہ کاری کیتے سہولتاں ݙتیاں ویسن۔ انہاں آکھیا جو وزیراعظم شہباز شریف جنہاں شعبیں تے زور ݙتا اساں وی انہاں تے توجہ ݙیندے پیوں۔
