نیویارک ۔ 23 ستمبر (اے پی پی) صدر انٹرنیشنل کرائسس گروپ (آئی سی جی) رابرٹ مالے اتھاں نیویارک اچ وزیر خارجہ مخدوم شاہ محمود قریشی نال ملاقات کیتی تے مقبوضہ جموں و کشمیر اچ انسانی حقوق دیاں سنگین خلاف ورزیاں دے حوالے نال گال مہاڑ کیتی ۔انہاں نال ملاقات اچ گال مہاڑ کریندے ہوئیں وزیر خارجہ شاہ محمود قریشی آکھیا جو ہندوستان 5 اگست توں مقبوضہ جموں و کشمیر اچ بدترین کرفیو نافذ کر تے 80 لکھ کشمیریاں کوں یرغمال بنڑا رکھیے گے ،صورتحال ایں قدر تشویشناک اے جو انسانی جان بچاونڑ آلیاں دوائیاں تے خوراک تئیں میسر کائنی تھیندی پئی ۔ مخدوم شاہ محمود قریشی آکھیا جو بین الاقوامی میڈیا اتے انسانی حقوق تے کم کرنڑ آلیاں بین الاقوامی تنظیماں مقبوضہ جموں و کشمیر اچ جاری بھارتی ظلم دا پردہ چاک کریندیاں پن ۔انہاں آکھیے جو خطے اچ دیر تئیں قیام امن کیتے سانجھے جھیڑے دا حل ناگزیر اے ۔
