لاہور۔14جنوری(اے پی پی)وزیر اعلی پنجاب مریم نواز نال پاکستان اچ آذربائیجان دے سفیر خضر فرہادوف ملین۔ انہاں ݙوطرفہ تعلقات، تجارتی روابط، ثقافتی تبادلیاں اتے مختلف شعبیاں اچ تعاون ودھاوݨ تے الایا۔ وزیراعلی آذربایئجان دے سفیر دی دورے دی دعوت قبول کرڳھدی۔ انہاں ݙوہاں ملکاں وچال تجارتی اتے سرمایہ کاری دے مواقع، ثقافتی و تعلیمی تعلقات ٻئے ودھاوݨ تے اتفاق کیتے۔ وزیر اعلی آذربائیجان دے سفیر کوں پنجاب اچ سرمایہ کاری دی دعوت ݙتی۔ آزربائیجان دے سفیر پنجاب اچ سرمایہ کاری دے مختلف شعبیاں اچ ہتھ ونݙاوݨ دا آکھیا جو تعلیم، صحت، زراعت اتے توانائی دے شعبے اچ تعاون ٻیا تکڑا کیتا ونڄ سڳدے۔ انہاں پنجاب اچ ترقیاتی منصوبیاں سانڳے وزیر اعلیٰ پنجاب دے کردار دی تعریف کیتی
