اسلام آباد۔21 ستمبر(اے پی پی) وزیراعظم پاکستان دی خصوصی ہدایات تے نیشنل ڈیزاسٹر مینجمنٹ اتھارٹی (این ڈی ایم اے) دی طرفوں پنجاب دے چھل متاثرہ علاقیں وچ امدادی کارروائیاں جاری ہن۔ اتھارٹی خانیوال سودھے ٻئے متاثرہ علاقیں کیتے خیمیں تے ٻیاں ضروری چیزاں نال مشتمل مزید امدا??ی سامان روانہ کر ݙتے۔ ترجمان این ڈی ایم اے موجب خانیوال دے متاثرین کیتے پی ڈی ایم اے پنجاب کوں ہک ہزار خیمے ݙتے ڳئن۔ سکھر کنوں 13 ٹرکاں دے ذریعے 670 خیمے روانہ کیتے ڳئن جݙاں جو اسلام آباد وچ واقع این ڈی ایم اے دے مرکزی ویئر ہاؤس کنوں وی 5 ٹرکاں وچ 330 خیمے روانہ کیتے ڳئن۔ ہݨ تائیں پنجاب کوں م??موعی طور تے 2,270 ٹن امدا??ی سامان ݙتا ویندا پئے، جیندے وچ کمبل، خیمے، مچھر داݨیاں، پاݨی دے فلٹریشن پلانٹ، رضائیاں، فولڈنگ بیڈ، پاݨی دے کین تے 17 کشتیاں شامل ہن۔ ایندے علاوہ ہݨ تائیں چھل متاثرین کیتے مجموعی طور تے 36,000 خیمے ݙتے ویندن پئن۔ این ڈی ایم اے دا آکھݨ اے جو امدا??ی سرگرمیاں کوں م??ثر بݨاوݨ کیتے سارے متعلقہ سول، عسکری تے فلاحی اداریں دے نال مسلسل رابطہ برقرار رکھا ویندا پئے۔ اتھارٹی دیاں ٹیماں امدادی کارروائیاں دی ہر ویلھے نگرانی کریندیں پئن تاں جو متاثرہ عوام کوں وقتی تے مؤثر امداد ݙتی ونڄ سڳے۔
