اسلام آباد۔12ستمبر (اے پی پی) صدر مملکت آصف علی زرداری چین دے دورے تے روانہ تھی ڳئن۔ ایوان صدر دے پریس ونگ توں جاری بیان دے مطابق صدر مملکت دے ترجمان جمعہ کوں آکھیا جو صدرِ مملکت چینی حکومت دی دعوت تے چین دا دورہ کریندے پئن۔ ترجمان آکھیا جو صدر مملکت 12 توں 21 ستمبر تئیں چین دے مختلف علاقیاں دا دورہ کریسن، انہاں دی چنگڈو، شنگھائی اتے سنکیانگ اچ صوبائی قیادت نال ملاقاتاں تھیسن۔ انہاں آکھیا جو دورے نال پاکستان اتے چین دی سٹریٹجک تعاون اُتے مبنی شراکت داری ٻئی مضبوط تھیسی، صدر مملکت دا دورہ خطے اچ امن، ترقی اتے استحکام دے عزم کوں ݙیکھدا پئے ۔ ترجمان آکھیا جو پاکستان، چین تعلقات اتے اقتصادی تے تجارتی تعاون اُتے ڳالھ مہاڑ تھیسی، دورے اچ سی پیک اتے مستقبل دے رابطہ کاری منصوبے زیر غور آسن۔
.jpg)
