ارومچی۔ 18 ستمبر (اے پی پی) صدر مملکت آصف علی زرداری چین دے شہر ارومچی دے اربن آپریشنز اینڈ منجمنٹ سینٹر دا دورہ کیتا جتھ ارومچی دے میئر اتے سنکیانگ دے نائب گورنر انہاں دا استقبال کیتا۔ خمیس کوں ایوانِ صدر دے پریس ونگ توں جاری بیان دے مطابق صدر مملکت تے انہاں دے وفد کوں ݙسیا ڳیا جو سینٹر 30 توں ودھ محکمیاں کوں ڈیجیٹلی ملا تے شہریاں کوں 200 توں ودھ خدمات ݙیندا پئے۔ مرکز عوامی خدمات کیتے ون ونڈو ہب دے طور تے کم کریندے، ایں دے علاوہ سینٹر عوامی صحت، تعلیم، روڈ سیفٹی، یوٹیلٹیز تے ایمرجنسی رسپانس اچ ہم آہنگی فراہم کریندے۔ صدر آصف علی زرداری ڈیجیٹل پلیٹ فارم اچ گہری دلچسپی دا اظہار کیتا تے منصوبہ سازاں دے وژن دی تعریف کیتی۔ انہاں آکھیا جو شہر دے انتظام بارے ایں طرحاں دا نقطہ نظر پاکستان کیتے قابل قدر سبق فراہم کریندے۔ صدر مملکت امید کیتی جو پاکستان دے شہری منصوبہ ساز ایں تجربے توں سکھسن اتے مقامی ضروریات دے مطابق نظام ترتیب ݙیسن۔ ایں موقع تے سٹیٹ کونسلر سلمان خان والا، چین اچ پاکستان دے سفیر تے چین دے پاکستان اچ سفیر وی موجود ہن۔
