لاہور۔3مئی(اے پی پی) وفاقی وزیر منصوبہ بندی، ترقی ??ے خصوصی اقدامات پروفیسر احسن اقبال آکھیے جو معاشی ترقی کیتے برآمدات دا ودھارا ویلھے دی اہم لوڑھ اے، نینگر قیمتی اثاثہ ہن، ملک دا روشن مستقبل “اڑان پاکستان” منصوبے دی کامیابی نال جُڑیا ہویا اے، پاکستان کوں زرعی معیشت توں ٹیکنو اکانومی وچ تبدیل تھیوݨا پوسی، ملک ترقی ??ی چوتھی پرواز دے دہانے تے اے، استحکام تے وژن ہی کامیابی دی کنجی ہن، ہݨ غلطیاں دی کوئی گنجائش کائنی، بطور قوم ملکی تعمیر و ترقی کیتے اپݨا مثبت کردار ادا کرݨا ہوسی۔ انہاں اے ڳالھ یونیورسٹی آف مینجمنٹ اینڈ ٹیکنالوجی وچ بجٹ سمٹ کانفرنس نال خطاب کریندے آکھی ۔ ایں موقع تے ریکٹر یو ایم ٹی تے معروف معیشت دان ڈاکٹر حفیظ پاشا، ڈاکٹر سلمان شاہ، سابق چیئرمین ایف بی آر شبر زیدی، پیٹرن ان چیف ایف پی سی سی آئی ایس ایم تنویر، صدر آئی سی ایم اے غلام مصطفی قاضی، ڈین، ڈائریکٹرز، فیکلٹی ممبران، اساتذہ، طلباء و طالبات تے ٻئے وی موجود ہن۔ وفاقی وزیر احسن اقبال آکھیا جو دنیا وچ رہندے ہوئیں معاشی حیثیت کہیں وی فرد، خاندان، تنظیم یا ہک ملک دی ترقی وچ اہم کردار ادا کریندی اے، ایں ترقی ??ا انحصار ایں ڳالھ تے ہے جو او فرد، خاندان، تنظیم یا ملک اللہ تعالیٰ ولوں ݙتے ڳئے وسائل کوں کیویں استعمال کریندے، جے ایندا درست استعمال کیتا ونڄے تاں ترقی ??اصل تھیسی تے جے انہاں وسائل دا غلط استعمال کیتا ونڄے تاں او ترقی ??ی بھڄ دھرک وچ ٻہوں پچھوں رہ ویسی۔ انہاں آکھیا جو 1947 وچ مملکت خداداد پاکستان ٻہوں قربانیاں دے بعد حاصل کیتا ڳیا لیکن اڄ اے سوال ہر کہیں دے ذہن وچ پیدا تھیندے جو 78 سال گزرݨ دے باوجود تے جاپان سمجھیا ونڄݨ والا پاکستان اڄ ترقی ??ی دوڑ وچ پچھوں کیوں رہ ڳئے، اے وجہ پتہ کرݨی ض??ور?? اے جو اے ممالک اڳوں کیوں چلے ڳئے تے پاکستان پچھوں کیوں رہ ڳیا حالانکہ پاکستانیاں بارے مشہور اے جو اساں زیادہ ذہین ہئیں۔ احسن اقبال آکھیا جو سارے مصائب دے باوجود اڄ پاکستان دنیا دی ستویں ایٹمی طاقت اے، اساں جیہڑی ??ائ??کل نہ بݨا سڳدے ہاسے اڄ جے ایف 17 تھنڈر جئیں جدید جنگی جہاز بݨیندے پیوں ، جیڑھا ساݙی مہارت تے کامیابی دا منہ ٻولیندا ث??وت اے۔ انہاں آکھیا جو صحت، زراعت، ٹیکنالوجی تے تعلیم دے شعبیاں وچ نمایاں کامیابیاں حاصل کیتیاں ڳئیاں۔ انہاں آکھیا جے ہک باعزت مستقبل اپݨے کیتے بݨاوݨا اے تاں ساکوں آوݨ آلے 22 سالاں کیتے ہمسایہ ملکاں نال مقابلہ کرݨا ہوسی۔ احسن اقبال آکھیا جو مسلم لیگ (ن) دی حکومت 1997 وچ ویژن 2010 بݨایا لیکن بدقسمتی نال مارشل نافذ تھیا تے او منصوبہ ردی دی ٹوکری وچ سٹ ݙتا ڳیا، پاکستان وچ دہشت گردی عروج تے پڄ ڳئی، ایں بدامنی وچ ویژن 2050 پیش کیتا ڳیا، سی پیک منصوبے نال 25 بلین ڈالر دی سرمایہ کاری آئی لیکن سوشل میڈیا تے اینکوں متنازع بݨا تے ضیان پڄایا ڳیا، حکومت ??نبھالݨ دے ویلھے پاکستان دے ڈیفالٹ دیاں خبراں عالمی سطح تے گردش وچ ہن، 2018 وچ ملک وچ کرپشن انتہا تے ہئی، ساݙیاں حکومتی پالیسیاں دی وجہ نال ڈیفالٹ دیاں خبراں دم تروڑ ڳئیاں تے موجودہ حکومت ڈیفالٹ تھیندے ملک کوں اپݨے پیراں تے کھڑا کیتا تے ہݨ پاکستان ہک نویں اُݙاری بھرݨ کیتے تیار اے، اُݙان پاکستان دا منصوبہ پاکستان کوں پائیدار ترقی ??ے پاسے گھن ونڄݨ کیتے شروع کیتا ڳئے، ایں کیتے اساکوں اپݨے ملک وچ امن تے استحکام دی فضا پیدا کرݨی پوسی، اساکوں اپݨے سماجی رویاں وچ تبدیلی گھن آوݨی چاہیدی اے، ساݙے 40 فیصد ٻال غذائیت دی کمی دا شکار ہن جیڑھا انہاں دی ذہنی صلاحیتاں کوں ودھݨ نی ݙیندا، استاد کوں سماجی رویاں وچ تبدیلی کیتے کم کرݨ آلے پاسے توجہ ݙیوݨی پوسی، اساں اُݙان پاکستان دا منصوبہ پاکستان کوں پائیدار ترقی ??ے پاسے گھن ونڄݨ کیتے شروع کیتے، اساں اپݨی ترقی ??ے رستے وچ ونڄا مقام واپس گھنݨا اے، ترقی گھنݨ سانڳے اساکوں اپݨے ملک وچ امن تے استحکام دی فضا پیدا کرݨی پوسی، ملکی ترقی ??ُݙان پاکستان منصوبے دی کامیابی نال مشروط اے، سیاست کوئی ڈرامہ کائنی، اساں اپݨی سیاست کوں داؤ تے لا تے ملک کوں ول مستحکم کیتے، ساݙی سیاست ساݙے عہدے تے ساݙی ساری شان مضبوط تے مستحکم پاکستان دے نال ہی ممکن اے۔ احسن اقبال آکھیا جو اللہ تعالیٰ دے فضل و کرم نال حکومتی مثبت اقدامات دی بدولت اڄ مہانگ 4 فیصد توں گھٹ تھی ڳئی اے، سٹاک مارکیٹ 1 لکھ 18 ہزار دی حد کوں کراس کر ڳئی اے۔ انہاں آکھیا جو قوم کوں متحد تھی تے انتشار تے فتنے دا مقابلہ کرݨا اے، بطور قوم ساݙا وی فرض اے جو پاکستان دی ترقی کیتے رَل تے کم کروں، ملک دی معیشت کوں 2030 تئیں 30 ٹریلین ڈالرز تئیں پڄاوݨا اے، پچھلے ݙو سالاں دے دوران ملکی معیشت مستحکم تھئی اے، جے اساں صحیح پاسے ترقی ??ا سفر تکھا کیتا تاں 2047 وچ بھارت کوں وی پچھوں چھوڑ سڳدوں ۔ وفاقی وزیر آکھیا جو ہک اندازے موجب بدقسمتی نال ڈھائی کروڑ ٻال سکول توں ٻاہر ہن، اڄ پاکستان دی شرح خواندگی صرف 60 فیصد اے، اساکوں سیاست دے میدان وچ مقابلہ نی بلکہ تعلیم تے صحت وچ مقابلہ کرݨ دی لوڑھ اے، حکومت ??کول توں ٻاہر ٻالاں کوں سکول وچ گھن آوݨ تے تعلیم دیاں سہولتاں ݙیوݨ کیتے سارے وسائل استعمال اچ گھن آندی پئی اے۔ انہاں آکھیا جو آبادی وچ ودھارا وی ترقی ??ے رستے وچ ہک ٻہوں وݙی رکاوٹ اے، ساݙی آبادی ودھݨ دی شرح 2 فیصد توں ودھ تے 9 فیصد تئیں پڄ ڳئی اے جینکوں کنٹرول کرݨ ٻہوں ض??ور?? اے۔ انہاں آکھیا جو پاکستان وی نائن الیون تے روس دے خلاف جنگاں وچ حصہ گھدا لیکن ترقی ??ی پہلی شرط امن تے ݙوجھی سیاسی استحکام اے۔ انہاں ݙسایا جو دنیا دے ترقی یافتہ ملکاں ݙاہ سالہ پالیسیاں ترتیب ݙتن تے انہاں تے مستقل مزاجی نال عمل کیتا، بھارت وچ منموہن سنگھ، مودی تے بنگلہ دیش وچ حسینہ واجد اپݨی مدت پوری کیتی جݙاں جو ملائیشیا وچ مہاتیر محمد ویژن 2020 دے تحت ترقی ??یے رستے متعین کیتے۔ احسن اقبال زور ݙتا جو حکومت ??ائنس تے ٹیکنالوجی دے شعبے وچ ارباں دی سرمایہ کاری کیتی اے تے سینکڑاں طلباء کوں چین وی بھیڄیا ڳئے تاں جوجدید ریسرچ نال فوڈ سکیورٹی تے انرجی جیھے مسئلے حل کیتے ونڄ سڳن۔ انہاں اعتراف کیتا جو پاکستان وچ ہائر ایجوکیشن وچ سرمایہ کاری ہݨ وی گھٹ اے، بھارت 30 فیصد تے بنگلہ دیش 25 فیصد خرچ کریندے پئن جݙاں جو اساں صرف 11 فیصد تے اکتفا کیتا ہویا اے ۔ وفاقی وزیر آکھیا جو اساکوں الف لیلوی خواباں توں نکل تے حقیقت تے مبنی معاشی فیصلے کرݨے پوسن، ملک دا مستقبل مرغی تے کٹے نال نی بلکہ ڈیجیٹل سکلز تے ٹیکنالوجی وچ لُکیا ہویا اے۔ انہاں سوشل میڈیا تے نینگراں وچ نفرت انگیز مواد تے افسوس دا اظہار کریندے آکھیا جو ہک نینگر دی گولی اڄ وی انہاں دے جسم وچ موجود اے، تے “اُݙان پاکستان” نال ایں نفرت کوں ختم کیتا ویسی۔چھیکڑ وچ انہاں آکھیا جو پاکستان کوں معاشی گرداب وچوں کڈھݨ کیتے پوری قوم کوں ھک مٹھ تھی تے زور دار دھکا لاوݨا ہوسی، ول ہی ترقی ??یاں نویاں بلندیاں کوں چھویا ونڄ سڳسی، جے اڄ اساں ترقی ??ی اے اُݙاری نہ بھری تاں 2047 وچ ساکوں پچھتاوا تھیسی۔ تقریب دے چھیکڑ وچ سوال جواب دا سیشن منعقد تھیا، شرکاء طلباء دے سوالاں دے جواب ݙتے ڳئے۔
