لاہور۔18جولائی (اے پی پی) مسلم لیگ (ن) دے رہنما تے وفاقی وزیر خواجہ سعد رفیق آکھیا جو مسلم لیگ ن ہک جمہوری جماعت اے، اساݙٰی جمہوریت کیتے ہک وݙی جدوجہد اے، اساں جمہوریت دی بالادستی دی ڳالھ کیتی، پہلے وی عوام دے فیصلے کوں منیے، اڄ وی منیندوں، کھیݙ شروع تھیے دی اینڈ کائنی، عمران خان وانڳ روسوں کائنا۔ اگلی حکمت عملی کیتے اتحادی جماعتاں دا اجلاس سݙوائے ایں اچ مستقبل دے فیصلے تھیسن۔ اے پاکستان تحریک انصاف دی جتی ہوئی سیٹاں تے الیکشن تھیا اساݙی سیاسی جدوجہد جاری رہسی۔ اخلاقیات دا دامن نی چھوڑیا۔ اتحادی جماعتاں نال رَل تے اساں فیصلے کریسوں۔ او اتوار دی رات ہنگامی پریس کانفرنس نال خطاب کریندے پئے ہن۔ ایں موقع تے ایاز صادق اتے ٻئے لیگی رہنما وی انہاں دے رلے ہن۔
