اسلام آباد۔13 مئی (اے پی پی) وفاقی وزیرپارلیمانی امور ڈاکٹر طارق فضل چوہدری آکھیے جو پاکستان ہک ذمہ وار اتے امن دا داعی ملک اے، خطے اچ دیرتئیں امن کیتے اساں مذاکرات دے حامی ہیسے، مسئلہ کشمیر ہک ??اری ول عالمی ایجنڈے تے آڳئے، امریکا وی منیندا پ??ے جو ایں مسئلے کوں حل کیتے بغیر خطے اچ دیرتئیں امن ممکن کائنی، مسلح افواج پوری قوم دا سر فخر نال اچا کرݙتے۔ قومی اسمبلی اچ ڳالھ کریندے ڈاکٹر طارق فضل چوہدری آکھیے جو پاکستان تاریخ دے اہم موڑ تے اے، اینکوں نواں جنم ملئے، 9 اتے 10 مئی دے پاکستان اچ فرق ا??۔ انہاں آکھیے جو پاکستان پوری دنیا کوں یقین ݙیوا??ے جو اللہ دے فضل نال اساں اپݨے ملک دے دفاع دا حق رکھیندے ہیسے اتے دفاع کرݨ وی ڄاݨدوں ۔ انہاں آکھیے جو بھارتی جارحیت دے موقع تے قومی وحدت دا جیڑھا مظاہرہ تھئے ایں تے اساں اللہ تعالیٰ دے شکر گزار ہیسے، بھارت شاید اے حملہ ایں سانڳے کیتے جو خدانخواستہ پاکستان دے اندر کوئی پولرائزیشن اتے ونڈ اے ، ایندے علاوہ پاکستان اچ بھارت دیاں پراکسیز دے گرد گھیرا وی تنگ کر ݙتا ڳیا ہئی۔ انہاں دا آکھݨ ہئی جو ساݙی مسلح افواج اتے اداریں انہاں دی سپیس ختم کر ݙتی اے اتے جیڑھے باقی بچے کچھیے عناصر ہن انہاں دے خلاف کارروائی تھیندی پئی اے، ایں کیتے ساݙی مسلح افواج دی توجہ ہٹاوں سانڳے انہاں اے جارحیت کیتی۔ وفاقی وزیر آکھیے پارلیمان قومی وحدت دا مظاہرہ کیتے، ایں تے میں اپوزیشن اتے حکومتی ݙوہیں بنچاں دے ارکان دا شکر گزارہاں، ملک دی چنڈ چنڈ اچ پاکستان زندہ باد دے نعرے لڳدے پئن۔ انہاں آکھیے جو پاکستان امن دا داعی اے، اساں امن چاہندوں، پاکستان اتے بھارت جوہری طاقتاں ہن، اساں بھارت کوں آکھیا ہئی جو او ہوش دے ناخن گھنے کیوں جو پہلگام دے فالس فلیگ آپریشن دے بعد پاکستان تے چڑھائی دیاں ڳالھیں نال اوندا آپݨا ضیان تھیسی ،اساں بھارت کوں اے وی ݙس ݙتا ہئی جو اساکوں دفاع دا حق اے اتے اپݨا دفاع کرݨ وی ڄاݨدوں ، 6 تے 7 مئی دی ادھ رات کوں بھارتی جارحیت دے خلاف اللہ تعالیٰ پاکستان کوں فتح ݙیوائی اتے دشمن دے پنج طیارے مار ڈھائے ، ایں اچ ناقابل تسخیر رافیل طیارے وی شامل ہن، ہݨ پوری دنیا ایں سوال دا جواب لبھݨ اچ لڳی اے جو پاکستان اے کامیابی کیویں ڳھدی ۔ انہاں آکھیے جو ہک ??سلمان اتے مجاہد دا جذبہ جہاد کوئی ݙوجھا محسوس نی کرسڳدا ، ایں جذبے اتے پروفیشنل ازم اساکوں کامیابی ݙیوائی، اساں افواج پاکستان کوں خراج تحسین پیش کریندوں جنہاں ہر پاکستانی دا سر فخر نال اچا کرݙتے، اساں سید عاصم منیر اتے ملک دے ہیرو ظہیر بابر کوں خراج تحسین پیش کریندوں ۔ انہاں آکھیے جو ہک ??اسے او فوج اے جیڑھی شہادت دی خواہش گھن تے میدان اچ لتھی جݙاں جو ڈوجھے پاسے او فوج اے جیڑھی موت توں ݙردی ا??۔ انہاں آکھیے جو پاکستان ہک ذمے وار ملک اے، ساکوں سفارتی کامیابیاں وی ملئن ، پوری دنیا پاکستان دی سفارت کاری اتے میڈیا دے کردار کوں منیے جݙاں جو بھارت اپݨے میڈیا نال پوری دنیا اچ ایکسپوز تھئ??۔ انہاں آکھیے خطے اچ دیرتئیں امن کیتے اساں مذاکرات دے حامی ہیسے، الحمدللہ مسئلہ کشمیر ہک ??اری ول عالمی ایجنڈے تے آئے اتے امریکا وی منیندا پ??ے جو اٰں مسئلے کوں حل کیتے بغیر خطے اچ امن ممکن کائنی۔
