اسلام آباد۔25نومبر (اے پی پی) وزیر اعظم محمد شہباز شریف ترک صدر رجب طیب اردوان دی دعوت تےجمعے دی سویل شریف اعلی سطح وفد دے رَلے ݙو ݙینھ دے سرکاری دورے تے ترکیہ روانہ تھی ڳے۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف اتے صدر رجب طیب اردوان استنبول شپ یارڈ اچ پاک بحریہ کیتے چار ملجم کارویٹ جہازاں وچوں تریجھے جہاز پی این ایس خیبر دا افتتاح کریسن۔ ݙوہیں رہنما ݙو پاسہ تعلقات، علاقائی صورتحال اتے سانجھی دلچسپی دےمعاملیاں تے ڳالھ مہاڑ اتے سانجھی پریس کانفرنس توں خطاب کریسن۔ اپݨےدورے اچ وزیراعظم ترکیہ دی تاجر برادری دے وفد اتے ای سی اوٹریڈ اینڈ ڈویلپمنٹ بینک دے صدر نال وی ملاقات کریسن۔
