اسلام آباد/قاہرہ۔14اگست(اے پی پی):قاہرہ اچ پاکستانی سفارتخانے اچ 76واں یوم آزادی روایتی جوش تے جذبے دے نال منایا ڳئے ۔ پاکستان دے سفیر ساجد بلال قومی ترانے دی دھن تے پاکستانی پرچم لہرائے۔ پرچم کشائی دے بعد خصوصی تقریب دا آغاز تلاوت کلام پاک نال تھیا ۔ ایں موقع تے صدر مملکت اتے وزیراعظم دے سنھیے پڑھ تے سݨائے ڳئن ، قاہرہ توں ملݨ آلے بیان موجب تقریب اچ پاکستان۔مصر فرینڈ شپ ایسوسی ایشن دے صدر سفیر (ر) فتح علی یوسف کوں پاک مصر تعلقات ودھاو تے بھارت دے غیر قانونی قبضے اچ جموں تے کشمیر اچ کشمیریاں دے حقوق کیتے آواز چاوݨ تے انہاں دی ودھ ساری خدمات دے اعتراف اچ حکومت پاکستان دی طرفوں سول ایوارڈ “تمغہ امتیاز” نال نوازیا ڳئے ۔
