اسلام آباد۔31اگست(اے پی پی) نگران وزیرخارجہ جلیل عباس جیلانی آکھیے پاکستان دنیا اچ امن کیتے کردار ادا کیتے ۔ پاکستان اقوام متحدہ دے امن مشن اچ کردار نبھاوݨ سانڳے پرعزم اے ۔ اے ڳالھ انہاں خمیس کوں اتھاں اقوام متحدہ دے امن م??ن دے 2 ݙینھ وار دے وزارتی اجلاس توں خطاب کریندے ہوئیں آکھی اے ۔ انہاں آکھیے پاکستان ہمیشہ کشیدگی دا شکارعلاقیں اچ ا??ن دے قیام سانڳے اقوام متحدہ نال رل تے اہم کردار ادا کیتے ، امن م??ن دی استعداد کوں ودھاوݨ سانڳے اقدامات کرݨے ہوسن ۔ نگراں وزیر خارجہ جلیل عباس جیلانی تقریب اچ شریک مندوبین کوں خوش آکھدے ہوئیں آکھیے جو اقوام متحدہ دے م??ن دنیا اچ قیام امن کیتے کوشاں ہن ، امن م??ن دا حصہ بݨݨ آلے اہلکاراں دی طبی امداد سانڳے وی اقدامات ہووݨے چاہیدن ، رسمی قیام ا??ن دے بجائے جدید خطوط تے مزید کم کرݨ دی لوڑھ اے ۔ پاکستان 30 اتے 31 اگست کوں اسلام آباد اچ اقوام متحدہ دے امن م??ن دے آندے اجلاس دی تیاری دے اجلاس دی میزبانی کیتی جیں دا موضوع ”اقوام متحدہ دے ا??ن دستیں دی حفاظت اتے سلامتی“ اے۔ جاپان ایں اجلاس دا شریک میزبان اے جیڑھا جو پاکستان دے ساریں توں وݙے تربیتی ادارے سینٹر فار انٹرنیشنل پیس اینڈ سٹیبلیٹی (سی آئی پی ایس) اچ منعقد تھئے ۔اجلاس اچ 156 ملکاں تے مشتمل اقوام متحدہ دی خص??صی کمیٹی پیس کیپنگ آپریشنز اچ نمائندگی کرݨ آلے رکن ملکاں دے علاوہ مقامی اتے بین الاقوامی ماہرین شرکت کیتی۔
