دوشنبے۔29مئی (اے پی پی):وفاقی وزیر مواصلات،نجکاری و سرمایہ کاری بورڈ عبدالعلیم خان آکھیے جو پاکستان اچ سنٹرل ایشیا دے” سلک روٹ کوریڈور” دی ڈیجیٹل لائزیشن تے کم کریندے پیوں ،پاکستان خطے اچ ہر طرح دی معاشی و اقتصادی سرگرمیاں اچ ݙوجھے ملکاں نال تعاون کریسی ۔ اے ڳالھ انہاں تاجکستان اچ انٹرنیشنل کانفرنس توں خطاب کریندے ہوئیں آکھی اے ۔کانفرنس اچ “یونائیٹڈ نیشن اکنامک اینڈ سوشل کمیشن فار ایشیا اینڈ پیسیفک” دے ممبر ملکاں دے مندوبین شرکت کیتی۔کانفرنس توں خطاب کریندے ہوئیں وفاقی وزیر عبدالعلیم خان آکھیے پاکستان اچ سینٹرل ایشیا دے” سلک روٹ کوریڈور” دی ڈیجیٹللائزیشن تے کم کریندے پیوں ۔زیر تعمیر شاہرات اچ وی سیٹلائٹ ٹیکنالوجی دے ذریعے” رائٹ ٹو مانیٹر” دا نفاذیقینی بݨیسوں ۔ بین الملکی تجارت ایں خطے دی ترقی دی ضامن، معیاری و کشادہ شاہرات دی تعمیر کریسن ۔ انہاں آکھیے پاکستان،چین، کرغزستان اتے قازقستان پہلے ہی ٹرانزٹ معاہدے اچ شامل ہن۔ سینٹرل ایشیا سانڳے کراچی اتے پورٹ قاسم وانڳوں جھکے سمندر دی بندرگاہ گوادر وی دستیاب اے۔ پاکستان خطے اچ ہر طرح دی معاشی و اقتصادی سرگرمیاں اچ ݙوجھے ملکاں نال تعاون کریسی۔
