لاہور۔30جولائی(اے پی پی)وزیر اعلی مریم نواز جنوبی پنجاب اچ 450 کلومیٹر لمبیاں 3 روڈ کوریڈور دی منظوری ݙے ݙتی اے۔ وزیراعلی دی اڳواݨی اچ خصوصی اجلاس کون ݙسایا ڳئے جو ساہیوال توں چیچہ وطنی، رجانہ اتے رجانہ توں لیہ تئیں ݙو رویہ سڑک ٻݨائی ویسی۔ دیپالپور توں وہاڑی تیں سنگل روڈ کوں ݙو رویہ سڑک اچ بدل ڈتا ویسی۔ شور کوٹ جھنگ چراغ والی تئیں نویں ݙو رویہ سڑک ٻݨائی ویسی۔ 210ارب روپے دی لاگت نال تریے منصوبے دسمبر2025 تئیں ایشیئن ڈویلپمنٹ بینک اتے حکومت پنجاب دے ڳانݙھے نال مکمل تھیسن۔ وزیر اعلی تریے منسؤبے 3 مہینے دے اندرو شروع کرݨ دی ہدایت کیتی اے۔اجلاس اچ سینیٹرپرویز رشید، صوبائی وزیر تعمیرات و مواصلات صہیب احمدملک، چیف سیکرٹری، چیئرمین پی اینڈ ڈی، سیکرٹری تعمیرات ومواصلات اتے ٻئے متعلقہ حکام موجود ہن۔
