اسلام آباد۔28اکتوبر(اے پی پی) روسی فیڈریشن دی فیڈریشن کونسل دی سپیکر ویلنٹینا آئی مٹوینکو آکھیے روس تے پاکستان وچال تجارتی حجم 50 فیصد توں ودھ نال پہلی واری ھک ارب ڈالر توں ودھ ڳئے ݙوہیں ملکاں وچال مزید تعاون ودھاوݨ سانڳےساݙی پارلیمانی حمایت اتے ݙوجھیں خطے کوں رلاوݨ سانڳے ایں کوں ودھاوݨ دی لوڑھ اے ، ساݙے اہداف تے کوششاں ھکو سویاں لڳدن ،ضروری اے اساں وختی مشترکہ کوششاں دا وی آغاز کروں، اساں آپݨے ملکاں تے عوام دی خاطر روس تے پاکستان وچال تعاون ودھاوݨ سانڳے کم جاری رکھݨ تے مکمل اعتماد کریندوں ۔ سینیٹ اجلاس توں خصوصی خطاب کریندے انھاں آکھیے میں آپݨے دورے تے آئے پورے روسی وفد دی طرفوں تساڈی طرفوں شاندار مہمان نوازی اتے پر تپاک استقبال اتے سینیٹ اچ خطاب دا موقع ݙیوݨ تے تساں ٻہوں مشکور ہاں اے میں سانڳے وݙا اعزاز اے ، میکوں ھک واری ول تساڈے سوہݨے ملک دا دورہ کرݨ تے خوشی اے تساڈا ملک یقیناً پراݨی تاریخ و ثقافت ، متنوع اتے منفرد روایات دا امین اے۔ انہاں آکھیے میکوں یقین اے جو روسی فیڈریشن دے وزیراعظم میخامل میشوسٹن دا اڄوکا دورہ تے ساݙے وفد دا موجودہ دورہ روس تے پاکستان وچال تعاون ودھاوݨ اچ اہم کردار نبھیسی۔ݙوہیں ملکاں دے تعلقات دی ھک طویل تاریخ اے۔ اوکھے ویلھے اچ وی ماسکو تے اسلام آباد رابطے جاری رکھئے۔ اے امر باعث اطمینان اے جو بین الاقوامی ایجنڈے دے ٻہوں معاملات بارے ساݙے نقطہ نظراچ مماثلت اے۔ݙوہیں ملکاں افغان مسئلے دے حل اتے وسطی ایشیا دی سلامتی یقینی بݨاوݨ اچ دلچسپی رکھیندن ، میکوں یقین اے اساں عالمی سلامتی اتے استحکام، خلا اچ ہتھیاراں دے استعمال کوں روکݨ ، حیاتیاتی ، کیمیائی تے زہریلے ہتھیاراں دی ممانعت، غیر قانونی پابندیاں دی حوصلہ شکنی اتے کھیݙاں سودھے سارے شعبیں اچ تعاون تے معاملات کوں سیاسی انداز اچ حل کرݨ تے اتفاق برقرار رکھیسوں ، روس تے پاکستان بین الاقوامی تعلقات اچ اقوام متحدہ دے مرکزی رابطہ کار دی حیثیت نال تکڑے کردار کوں مسلسل ودھارا ݙتے ۔ ایں سلسلے اچ اساں 26۔2025 ء سانڳے اقوام متحدہ دی سلامتی کونسل اچ پاکستان دے انتخاب دا خیر مقدم کریندوں ، پاکستان اٹھویں واری اقوام متحدہ دی غیر مستقل نشست تے منتخب تھئے جیڑھا اسلام آباد دی اقوام متحدہ دے منشور دے اصولاں اتے روح نال وابستگی دا ثبوت اے۔ میکوں یقین اے جو سلامتی کونسل دی تشکیل اتے عالمی امن وسلامتی دے حصول اتے مختلف عالمی مسئلیں دے حل اچ پاکستانی عوام اتے قیادت دی فہم وفراست معاون ثابت تھیسی۔ دنیا دے کئی خطیں اچ اقوام متحدہ دے امن مشنز اچ پاکستان دی فعال شرکت ایں ڳالھ دا ثبوت اے اساکوں مختلف براعظماں ، ترقیاتی ماڈلز، مذہب، منفرد تہذیباں اتے ثقافتاں دی نمائندہ تنظیم برکس دےنال تعاون کوں تکڑا کرݨ اچ پاکستان دی دلچسپی دا مکمل ادراک اے اے تنظیم کثیر الجہتی تنظیم دا روپ دھار چکی اے جیں دا ہر رکن مساوات، چنڳی ہمسائیگی اتے سانجھے احترام دا حامی اے ، سینیٹ آف پاکستان انھاں اقدار توں پورے طور تے متفق اے اتے بین الاقوامی سطح تے انھاں کوں عملی جامہ پواوݨ چاہندے ساݙی خواہش اے جو بین الپارلیمانی یونین تے ایشیائی پارلیمانی اسمبلی سودھے کثیر الملکی فورمز دی سطح تے رابطے ٻئے تکڑے تھیون ، پارلیمانی فرینڈ شپ گروپس دے فارمیٹس نال آپݨی پارلیمنٹس دے سینیٹ دی خصوصی کمیٹیاں دے ذریعے تعاون ودھاوݨ دے وسیع امکانات موجود ہن۔ سانجھے تعاون دے فریم ورک کوں بہتر بݨاوݨ سانڳے ݙوہیں ملکاں دے حوالے نال اساں ݙوہیں ملکاں دے پارلیمنٹس دے مشترکہ کردار تے گہرا انحصار کریندے پئن ، ارکان پارلیمنٹ دے مثبت کردار کوں ہرگز نظر انداز نی کیتا ونڄ سڳدا ، تجارتی و معاشی تعلقات دے ودھارے سودھے ٻہوں شعبہ جات اچ حالی مزید ٻہوں کجھ کرݨ ری لوڑھ اے ۔ سوویت یونین پاکستان کوں تیل تے گیس دی صنعت کوں ترقی ݙیوݨ ، توانائی دی اہم تنصیبات دی تعمیر اتے زرعی مشینری ݙیوݨ اچ مدد کیتی۔ 80-1970 دے ݙھاکے اچ سوویت یونین کراچی اچ پاکستان اسٹیل ملز دی تعمیر اچ مدد کیتی جیڑھی ساݙی دوستی دی علامت بݨ ڳئی، اساں وچال سانجھے تعاون دی عظیم روایات جاری و ساری ہن، صرف گزریل سال دے دوران روس اتے پاکستان وچال تجارتی حجم اچ 50 فیصد توں ودھ ودھارا تھئے اے پہلی واری ھک ارب ڈالر توں ودھ ڳئے اڄوکے سال جنوری توں اگست تئیں مزید 13 فیصد ودھارا تھئے ۔ انھاں آکھیے گزریل سال روسی خام مال دی پہلی کھیپ کراچی دی بندرگاہ تے پڄی ہئی تے سال دے چھیکڑ تئیں پاکستان کوں روسی برآمدات اچ ایندا حصہ 20 فیصد توں ودھ ڳیا ہئی ، روس پاکستان دی فوڈ سکیورٹی اچ ای آپݨا کردار جاری رکھیا ہویا اے ، ناسازگار موسمی حالات دے باوجود روسی کساناں اڄوکے سال 132 ملین ٹن توں ودھ اناج دی پیداوار ڳھدی اے جیڑھا جو روس دی زرعی صلاحیت اتے روس دی ایگری کلچرل ایکسپورٹر دی حیثیت نال ھک قابل اعتماد ساتھی دی دلیل اے۔۔ اساں ݙیکھدوں خطے اچ وی پاکستان نال تعاون ودھاوݨ تے دلچسپی ودھدی پئی اے ایں سلسلے اچ نیڑے بین العلاقائی تعلقات ٻہوں امید افزا ہن، سینٹ پیٹرزبرگ اتے صوبہ سندھ وچال براہ راست تعلقات بݨاوݨ دا معاہدہ موجود اے جیں تے 2017 اچ دستخط تھئے، میکوں یقین اے جو تعاون دے ایں رستے کوں ساݙی پارلیمانی حمایت دی لوڑھ اے تے ݙوجھے خطے کوں رلاوݨ سانڳے ایں کوں ودھاوݨ دی لوڑھ اے ۔ ساݙے اہداف اتے کوششاں ھکو سویاں لڳدن ضروری اے اساں وختی سانجھیاں کوششاں شروع کروں آپݨے ملک تے عوام دے مفاد دی خاطر روس تے پاکستان وچال تعاون ودھاوݨ سانڳے کم جاری رکھݨ تے مکمل اعتماد کریندوں۔
