اسلام آباد۔2نومبر(اے پی پی):صدر مملکت ڈاکٹر عارف علوی ملک دی تکھی رفتار ترقی اچ نینگراں دے کلیدی کردار تے زور ݙیندے ہوئیں آکھیے ملک کوں ایں مرحلے اچ تکھی رفتار ترقی دی لوڑھ اے ۔ او خمیس کوں کامسیٹس یونیورسٹی دے 26 ویں کانووکیشن توں خطاب کریندے پئے ہن ۔ صدر مملکت ڈاکٹر عارف علوی آکھیے جے طالب اپݨی پیشہ ورانہ زندگی اچ معاشرے اندر انصاف کوں یقینی بݨاون، ملک دی ترقی اچ کلیدی حصہ پاون تے آپݨے وسائل غریباں نال ونڈݨ سکھن تاں ملک ترقی تے خوشحالی آلے پاسے ٹرسے۔ انہاں آکھیے اڄ مصنوعی ذہانت یا کمپیوٹر سائنس ہر پیشے دا ݙوجھا مرحلہ اے۔دنیا ٻہوں تکھے ترقی کریندی پئی اے تے ایں سانڳے اساکوں دنیا دی رفتار نال ٹرݨا چاہیدے نتاں ملک خطے تے دنیا توں پچھوں رہ ویسی ۔ انہاں آکھیے انٹرمیڈیٹ دے کل طلباء اچوں 9 فیصد اعلیٰ تعلیم اچ داخلہ گھنݨ اچ کامیاب تھیندن جݙاں جو خطے اچ اے تناسب 25 فیصد توں ودھ اے ۔ انہاں آکھیے جو یونیورسٹیاں کوں ملک اچ تکھے ترقی سانڳے طلباء دے اندراج اچ ودھارا کرݨا چاہیدے ۔ وختی فیصلہ نہ کرݨ سست ت??قی دی ھک وݙی وجہ اے ۔ انہاں آکھیے مثال دے طور تے اساں کنے وژن دی کمی ہئی اساں ویلھے توں پہلے بجلی دی لوڑھ دا ان??از?? نہ لا سڳدے ہاسے جݙاں ویلھا آئے تاں اساں ایجھے پاور پلان??س لاوݨ دا ہنگامی فیصلہ کیتے جنہاں دی لاڳت ٻہوں زیادہ اے ۔انہاں آکھیے پڑوسی ملک بھارت 2012 اچ ڈیٹا پالیسی دا اعلان کیتا ہئی جݙاں جو پاکستان ھک ݙھاکے بعد 2022 اچ ایندا اعلان کیتے تے ایں اچ میݙی ذاتی کوششاں شامل ہن ۔ تقریب اچ صدر مملکت یونیورسٹی دے مختلف شعبیں اچ ٹاپ پوزیشن ہولڈرز اچ میڈلز اتے کامیاب طالبیں کوں ڈگریاں ݙتیاں ۔صدر مملکت ڈاکٹر عارف علوی آکھیے حضور نبی اکرم صلی اللہ علیہ وآلہ وسلم ہمیشہ علم حاصل کرݨ، چنڳی تربیت اتے انسانیت نال محبت دا درس ݙتا ۔انہاں کامیاب امیدواراں کوں ڈگریاں گھنݨ تے مبارخ ݙتی ۔
.jpg)
