لاہور۔14مئی(اے پی پی)وزیر اعظم دے معاون خصوصی برائے مذہبی امور مولانا حافظ طاہر محمود اشرفی آکھیے جو اڄ علماءمشائخ کونسل ولوں یوم فلسطین منایا ویندا پئے، پاکستان مسلہ فلسطین دا حل چاہندے جیندے کیتے وزیراعظم عالمی سطح تے ودھ کوششاں کریندے پین، پاکستان دا پورے عالم اسلام کوں سنیہا اے جو ہݨ ہک مٹھ تے اڳو تت ودھو، مسلم امہ ہݨ مسلہ کشمیر ارتے فلسطین تے ہکا پالیسی اپنیسی، ایں سانڳے پاکستان اسلامی تعاون تنظیم دا ہتھ ونݙاوݨ کوں تیار اے، او ݙینھ آوݨ آلا اے ڄݙاں اساں مسجد اقصیٰ اچ عبادات کر سڳسوں۔ میݙیا نال الیندے انہاں آکھیا رویت ہلال کمیٹی دا فیصلہ شرعی حیثیت رکھدے جیندے تے اعتراض دی گنجائش کائنی ایندے تے ابہام نہ کھنݙائے ونڄن۔ انہاں امید کیتی جو او آئی سی اجلاس اچ مسلہ فلسطین بارے وݙا فیصلہ سامݨے آسی، اقوام متحدہ کوں وی چپ تڑوڑݨی ہوسی۔
