راولپنڈی۔15مئی (اے پی پی) شمالی وزیرستان دے علاقے میران شاہ دے نیڑے خود کش دھماکے اچ سکیورٹی فورسز دے ترائے اہلکار اتے ترائے نشوم ٻال شہید تھی ڳئے۔ پاک فوج دے شعبہ تعلقات عامہ آئی ایس پی آر ولوں جاری بیان موجب شمالی وزیرستان دے علاقے میران شاہ دے نیڑے خود کش دھماکہ تھیا جئیں اچ لانس حوالدار زبیر قادر، عمر 33 سال، ساکن پاکپتن، سپاہی عزیر اسفر، عمر 21 سال سکنہ ہری پور، سپاہی قاسم مقصود، عمر22 سال سکنہ ملتان اتے3 نشوم ٻال 11 سالہ احمد حسن ، 8 سالہ احسن،4 سالہ انعم شہید تھی ڳئے۔ خفیہ ادارے خودکش حملہ آور اتے اوندے ہینڈلرز سہولت کاراں دا سراغ لاوݨ کیتے تحقیقات کریندے پئن۔
