اسلام آباد۔10ستمبر (اے پی پی) چین اتے پاکستان ارتھ سائنسز اتے سائنس وٹیکنالوجی دے شعبہ اچ تعاون کوں ودھاوݨ کیتے اکتوبر اچ سانجھا تحقیقی مرکز ٻݨیسن ۔ اے ڳالھ مرکز ٻݨاوݨ دے کم دے انچارج ہانگ تیان ہوا آکھی۔ انہاں آکھیا جو ݙوہیں ملکاں وچال اعلیٰ سطح دے سائنسی، تکنیکی تے اختراعی پلیٹ فارم دے طور سانجھے تحقیقی مرکز برائے ارتھ سائنسز اکتوبر اچ اسلام آباد اچ ٻݨایا ویسی۔ اینکوں ٻݨاوݨ دا بنیادی مقصد سائنس اتے ٹیکنالوجی دے شعبیاں اچ تعاون اتے ہنر کوں ودھاوݨ اے۔ انہاں ݙسیا جو مرکز چائنیز اکیڈمی آف سائنسز اتے ہائر ایجوکیشن کمیشن آف پاکستان دے تعاون نال ٻݨایا ویندا پئے۔ چائنیز اکیڈمی آف سائنسزدے تحت انسٹی ٹیوٹ آف ماونٹین ہیزڈز اینڈ انوائرمنٹ اتے پاکستان اچ قائداعظم یونیورسٹی دا تعاون ڳھدا ویندا پئے۔ مرکز ٻݨاوݨ اچ چائنیز اکیڈمی آف سائنسز نال جڑیے ادارے اتے ٻئے چینی تحقیقی اداریاں نال پشاور یونیورسٹی سودھے پاکستان دی یونیورسٹیاں وی شامل ہن۔
