اسلام آباد – 08 – فيبروري (اي پي پي) وزيراعظم محمد شهباز شريف اسپيشل ٽيڪنالاجي زونز اٿارٽي جي ڪارڪردگي تي ڳڻتي جو اظهار ڪندي ناڻي واري وفاق?? وزير اسحاق ڊار جي سربراهي ۾ اسپيشل ٽيڪنالاجي زونز اٿارٽي کي فعال ڪرڻ جي لاءِ ڪميٽي جوڙي ڇڏي آهي، جيڪا هڪ هفتي جي اندر پنهنجون سفارشون پيش ڪندي. وزيراعظم آفيس جي ميڊيا ونگ پاران جاري بيان موجب وزيراعظم جي صدارت ۾ اسپيشل ٽيڪنالاجي زونز اٿارٽي جي ح??الي سان اعليٰ سطحي اجلاس ٿيو. وزيراعظم اٿارٽي جي ڪارڪردگي تي ڳڻتي جو اظهار ڪندي چيو ته ملڪ ۾ موجوده وسيلن جو وڌيڪ زيان ڪنهن به صورت ۾ قبول نه آهي، باصلاحيت پاڪستاني نوجوان آءِ ٽي جي شعبي ۾ پنهنجو روزگار ڪمائي رهيا آهن، جڏهن ته لاڳاپيل اٿارٽي غيرفعال آهي. وزيراعظم اسپيشل ٽيڪنالاجي زونز اٿارٽي فعال ڪرڻ جي لاءِ ڪميٽي جوڙي ڇڏي، جنهن جو سربراهه ناڻي وارو وفاق?? وزير اسحاق ڊار هوندو، جڏهن ته انفارميشن ٽيڪنالاجي وارو وفاق?? وزير، قانون وارو وفاق?? وزير، سيڙپڪاري وارو وفاق?? وزير، وزيراعظم جو صلاحڪار احد چيما، سينيٽر افنان الله ۽ سي ڊي اي جو چيئرمين ڪميٽي جا ميمبر هوندا. وزيراعظم هدايت ڪئي ته ڪميٽي هڪ هفتي جي اندر اسپيشل ٽيڪنالاجي زونز اٿارٽي کي فعال ڪرڻ جي لاءِ پنهنجون سفارشون پيش ??ري. اٿارٽي جي بورڊ آف گورنرز کي به فوري طور تي فعال ڪيو وڃي. بورڊ آف گورنرز ۾ لاڳاپيل شعبي جي ماهرن جي موجودگي يقيني بڻائين. وزيراعظم اٿارٽي ۾ پلاٽن ۾ سيڙپڪاري بدران ان جي اصل مقصد يعني ملڪ ۾ ٽيڪنالاجي جي فروغ تي ڌيان ڏيڻ جي هدايت ڪئي. هن چيو ته اسپيشل ٽيڪنالاجي زونز اٿارٽي جي سڌارن ۽ ان کي فعال ڪرڻ جي لاءِ قدمن ۾ وڌيڪ ڪنهن به قسم جي دير قبول نه ڪئي ويندي. هن چيو ته مسلم ليگ (ن) پنهنجي دور ۾ نوجوانن کي آءِ ٽي روانگي واپار وڌائڻ جي لاءِ هنر ڏيڻ جو بنياد رکيو. ڪورونا وائرس جي وبا دوران نوجوانن کي ڏنل ليپ ٽاپ سان لکين ماڻهن روزگار ڪمايو. اجلاس ۾ وفاق?? وزير اسحاق ڊار، چوڌري سالڪ حسين، سيد امين الحق، وزيراعظم جو صلاحڪار احد چيما، خصوصي مددگار جهانزيب خان ۽ لاڳاپيل اعليٰ عملدارن شرڪت ڪئي. اجلاس کي اسپيشل ٽيڪنالاجي زونز جي ح??الي سان بريفنگ ۾ ٻڌايو ويو ته اٿارٽي ۾ هن وقت 400 ڪمپنيون رجسٽرڊ آهن، جن مان 63 سيڪڙو پاڪستاني جڏهن ته باقي چين، آمريڪا، ترڪيه ۽ ٻين ملڪن سان تعلق رکن ٿيون. اجلاس کي اٿارٽي بورڊ جي گورننس ۽ مسئلن بابت آگاهه ڪيو ويو. وزيراعظم اٿارٽي کي فعال ۽ موثر طريقي سان ملڪي آءِ ٽي روانگي واپار ۾ پنهنجو ڪردار ادا ڪرڻ جي لاءِ قدمن کي ترجيحي بنيادن تي ل??ڳو ڪرڻ جي به هدايت ڪئي.
