اشک آباد۔11اکتوبر(اے پی پی)صدر مملکت آصف علی زرداری پاکستان اتے ترکیہ وچال ریل روابط، تجارتی و اقتصادی تعاون، عوامی رابطے ودھاوݨ تے زور ݙتے۔ او ترکیہ دی پارلیمنٹ دے سپیکر نعمان قرطولمس نال دورہ ترکمانستان نال ملݨ ویلھے الیندے پئے ہن، اے ملاقات بین الاقوامی فورم ”وقت اتے تہذیباں دا باہمی تعلق: امن و ترقی دی بنیاد“ سانڳے تھئی۔ ملاقات اچ نائب وزیراعظم و وزیر خارجہ سینیٹر محمد اسحاق ڈار اتے وزیراعلیٰ بلوچستان میر سرفراز احمد بگٹی وی موجود ہن۔ صدر مملکت پاکستان اتے ترکیہ کوں بیا نیڑے ڳھن آوݨ اتے عوامی سطح تے رابطے ودھاوݨ دی لوڑھ تے زور ݙتے اتے آکھیے جو ترکیہ پاکستان اتے مسلم دنیا دا عظیم اتے مخلص سنڳتی اے، ترکیہ مسلم امہ دے مسلیاں تے اصولی موقف اپنیدے اتے ناانصافی دے خلاف آواز چیندے۔ انہاں فلسطین اتے لبنان دی سنگین انسانی صورتحال تے چنتا کیتے اتے امت مسلمہ دے چیلنجز نال نمٹݨ کیتے مسلم دنیا ولوں سنجیدہ کوششاں کرݨ تے زور ݙتے۔
