اسلام آباد۔5ستمبر (اے پی پی) وفاقی وزیر مذہبی امور چوہدری سالک حسین آکھیا جو کرتار پور راہداری اچ بھارت ولوں پابندیاں پاروں زائرین دی تعداد ڳھٹ تھئی اے، ایں مسئلے کوں دفترخارجہ دے ذریعے بھارت نال چاتا ویسی۔ خمیس کوں قومی اسمبلی اچ سوالاں دے وقفے اچ شرمیلا ہشام دے سوال دے ولدے اچ انہاں آکھیا جو کرتارپور کوریڈورہک چنڳا کم ہئی۔ کرتار پور راہداری اچ بھارت ولوں پابندیاں پاروں زائرین دی تعداد ڳھٹ تھئی اے۔ ہک ضمنی سوال دے ولدے اچ انہاں آکھیا جو یاترا کیتے پاکستان آوݨ آلے زائرین کوں سکیورٹی اتے انہاں دے رہݨ کیتے وی سہولتاں ݙتی ویندی ہن۔ ایں واری وی چنڳا انتظام کیتا ویسی۔ وفاقی وزیر مذہبی امور چوہدری سالک حسین آکھیا جو کرتار پور راہداری اچ بھارت ولوں پابندیاں پاروں زائرین دی تعداد ڳھٹ تھئی اے، ایں مسئلے کوں دفترخارجہ دے ذریعے بھارت نال چاتا ویسی۔
