اسلام آباد۔14جون(اے پی پی)وفاقی وزیر منصوبہ بندی ترقی، اصلاحات و خصوصی اقدامات احسن اقبال آکھیے جو پاکستان سیاسی استحکام دے بعد 5 توں 10 سال اچ ترقی تے ٹر پوسی، کوئی وی ملک اندرونی انتشار نال ترقی نئیں کرسڳدا، ملکی معیشت کوں ہر صورت بچاوݨے۔ اے ڳالھ انہاں نیشنل بجٹ کانفرنس نال خطاب اچ آکھی۔ انہاں آکھیا جو اڄ پاکستان اپݨے 75 سال مکمل کریندا پئے، 25 سال پہلے اساں وژن 2010 ݙتا ہا ٻھل ملک اچ مارشل لا آڳئے اتے ملک امریکہ دی جنگ دی ولھیٹ اچ آڳئے، ولا اساں وژن 2025 ٻݨائے تاں ڄڳ آکھیے جو پاکستان 2030 تئیں جی 20 ممالک اچ رل ویسی، ساکوں اج بیرونی نئیں اندرونی سلامتی دا مسلہ پیش تھی سڳدے، ڄݙاں قوم اچ بکھ، بے روزگاری اتے تعلیم دی کمی ہوسی تاں کوئی فوج اوندا دفاع نئیں کرسڳدی، اڄ اساں ڈیٹ ٹریپ تئیں پڄ چکیے ہیں جیڑھا 4 ہزار ارب روپے تھی چکیے، جیڑھی وی حکومت چنڳی کارکردگی ݙکھیندی اے اوکوں ٹھوکر مار تے ݙھوا ݙتا ویندے، مہانگ دے دور اچ وݙے فیصلیاں دی لوڑھ اے جو ملک کوں قرض توں بچاوݨے، معاشی طور تے پیریں تے کھڑا کرݨے، جیندے کیتے ہر بھوڳ ٻھڳیسوں۔ اساں اوکھ حالات دے باوجود ہک چنڳاں بجت ݙتے، غربت توں بچݨ، زراعت و صنعت دی ترقی، خودکفالت ہک وݙا چلینج اے، ایندے کیتے ضروری اے جو پاکستان کو?? ہک مستحکم رستے تے ونڄݨ دا موقع ݙویجے۔
