لاہور۔22دسمبر(اے پی پی) وفاقی وزیر داخلہ رانا ثناء اللہ آکھیے جے گورنر دا حکم نی منیا ویندا تاں پنجاب اچ گورنر راج لڳ سڳدے ، پرویزالہی آئینی طور تے وزیراعلیٰ نی رہیے۔ پرویز الہی کوں کابینہ اجلاس توں پہلے ڈی نوٹیفائی ہووݨا چاہیدے ایہو آئینی تے قانونی تقاضا اے،ہݨ نویں وزیراعلیٰ پنجاب کیتے جیویں ہی گورنر آرڈر ایشو کریسی ایں تے عمل درآمد تھیسی ۔ او گورنر ہائوس دے ٻاہروں میڈیا نال ڳالھ مہاڑ کریندے پئے ہن ۔ ۔وفاقی وزیر داخلہ رانا ثناء اللہ آکھیے موجودہ سیاسی حالات اچ پنجاب کابینہ دے سݙیے ڳئے اجلاس دی کوئی قانونی حیثیت کائنی،گورنر ہائوس دے ٻاہروں پی ٹی آئی ہنگامہ کیتا تاں ایندا پورا بندوبست کررکھیے ۔انہاں آکھیے پرویز الہیٰ ہݨ اسمبلی تروڑ ݙیوݨ دی ایڈوائس نی بھیڄ سڳدے ،ھک بندہ ول ول آپݨی ضد تے انا تے اسمبلیاں تروڑ ݙیوݨ دے اعلان کریندا پئے ۔ پرویز الہی خود آکھ چکن جو 99 فیصد ممبران اسمبلیاں تروڑ ݙیوݨ دے حق اچ کائنی۔ انہاں آکھیے سپ??کر دے صدر کوں لکھیے خط دی کوئی آئینی حیثیت کائنی،گورنر آئین دی طرفوں ݙتے ڳئے اختیارات استعمال کریندے پئن ،گورنر کہیں وی ویلھے وزیراعلیٰ کوں اعتماد دے ووٹ دا آکھ سڳدن ۔ پرویز الہیٰ بطور وزیر اعلیٰ گزریل ݙینھ اعتماد دا ووٹ نی ڳھدا لہذا پرویز الہیٰ ہݨ آئینی طور تے وزیر اعلیٰ پنجاب نی رہیے۔ انہاں آکھیے وزیر اعلیٰ پرویز الہی کوں ڈی نوٹیفائی کرݨ دا نوٹیفکیشن گورنر دی طرفوں جاری ??ھیوݨا چاہیدے،گورنر پنجاب دی طرفوں نوٹیفکیشن ھک رسمی کارروائی اے جیڑھا جو وختی مکمل تھیوݨی چاہیدی اے ،جیویں ہی گورنر نوٹیفکیشن جاری کریسی ایں تے عمل درآمد تھی ویسی ۔ف??صلے تے عمل درآمد نہ ہووݨ تے گورنر وفاقی حکومت کوں گورنر راج کیتے لکھ سڳدن یا ݙوجھی صورت اچ کابینہ دی منظوری ??وں پنجاب اچ ݙو مہینے کیتے گورنر راج لڳ سڳدے تے ھک قرارداد دے ذریعے اینکوں چھی مہینے دی توسیع وی ݙتی ونڄ سڳدی اے ۔ انہاں آکھیے پی ٹی آئی پچھلے چھی ست مہینے توں اسلام آباد سودھے ملک دیاں وکھو وکھ جہیں تے احتجاج دی صورت اچ انتشار کھنڈاوݨ دی کوشش کریندی پئی اے جے انہاں گورنر ہائوس اچ وی ہنگامہ کرݨ دی کوشش کیتی تاں اینکوں بھرپور طریقے نال روکیا ویسی ۔ ھک سوال دے جواب اچ وفاقی وزیر داخلہ آکھیے پنجاب سودھے پورے ملک اچ کوئی سیاسی بحران کائنی تے اے صرف پی ٹی آئی دی طرفوں ملک اچ افراتفری ??ی سیاست کوں ودھارا ݙیوݨا اے ،گورنر اپݨا آ ئینی اختیار رکھیندے ہوئیں جیڑھا کم کیتے انہاں آرٹیکل 6دی کوئی خلاف ورزی نی کیتی ،نویں وزیراعلی پنجاب کیتے مسلم لیگ ن حالی کہیں ناں تے کوئی غور نی کیتا ، البتہ حمزہ شہباز ساݙے پارلیمانی اتے اپوزیشن لیڈر ہن لہذا نویں وزیر اعلی پنجاب کیتے انہاں دا ناں ہووݨاں چاہیدے لیکن پارٹی لیڈر شپ ایں بارے جیڑھا فیصلہ کریسی او قبول ہوسی ۔ ھک سوال دے جواب اچ گورنر پنجاب کوں عہدے توں ہٹاوݨ دے حوالے نال سپ??کر ولوں صدر مملکت کوں لکھیے ڳئے خط دی کوئی آئینی حیثیت کائنی ، صدروزیراعظم دی ایڈوائس دے بغیر کوئی قدم نی چا سڳدے ۔ وفاقی وزیر آکھیے گورنر پنجاب دے احکامات دی خلاف ورزی دی صورت اچ پرویز الہی وزیر اعلی نی رہیے لیکن صوبائی کابینہ برقرار اے ، پر ویز الہی کوں کابینہ اجلاس توں پہلے ڈی نوٹیفائی ہووݨا چاہیدے ایہو آئینی اتے قانونی تقاضا اے۔ھک ٻئے سوال دے جواب اچ انہاں آکھیے اساں الیکشن دی پوری ??یاری کر رکھی اے تے پارٹی قائد محمد نواز شریف دی وطن واپسی دے موقع تے انہاں دے والہانہ استقبال دی پارٹی کارکنان دی طرفوں تیاریاں پوری ??رح مکمل ہن۔ ھک سوال دا ولدا ݙیندے ہوئیں انہاں آکھیے پی ٹی آ ئی دی سامݨے آوݨ آلی ساری وڈیوز اصلی ہن انہاں اچ کوئی نقلی کائنی۔
